Ris a la noisettes – fyrir 6-8 –

Grjónagrautur

1 pk Toro grjónagrautur
750 ml mjólk

Eldið grautinn samkvæmt leiðbeiningum og kælið vel.

Rjómablanda

400 ml rjómi
2 tsk vanillu paste
1 msk sykur
100 g hakkaðar heslihnetur

Létt þeytið rjómann í stórri skál, blandið saman við hann vanillu, sykri og hökkuðum heslihnetum. Hellið þá köldum grjónagrautnum saman við rjómann og hrærið vel. Berið fram annað hvort í stórri skál eða setjið í skálar og skreytið með dulce de leche, heslihnetum og soðnum eplum.

Samsetning

Dulce de leche karamellusósa
1 epli

Sjóðið niðursoðna mjólk yfir í dulce de leche eða kaupið hana tilbúna. Skerið eplin niður í mjög smáa bita og sjóðið í 2-3 mín, rétt til að fá mýkt í eplin.

Berið réttinn fram annað hvort í stórri skál og þá karamelluna og eplin í sér skál eða setjið í skálar og skreytið með dulce de leche, heslihnetum og soðnum eplum.

Njótið!

Uppskrift frá Döðlur og smjör: Ris a la noisettes – Döðlur & smjör (dodlurogsmjor.is)