John Lindsay ehf. er umboðs og heildverslun sem hefur um áratugaskeið sinnt margvíslegum innflutningi og vörudreifingu.
Fyrirtækið hefur frá fyrstu tíð starfað á fjölmörgum sviðum þ.a.m. mat- og hreinlætisvörum, byggingarvörum o.fl. sem seldar hafa verið bæði í heildsölu og smásölu. Í dag snýst megin starfsemin um sölu á mat- og hreinlætisvörum ýmiss konar.
Viðskiptavinir fyrirtækisins eru smásöluverslanir en einnig í vaxandi mæli stórnotendur eins og mötuneyti, veitingahús og stofnanir.
Lindsay er í nýlegu húsnæði að Klettagörðum 23, Reykjavík. Um er að ræða 3.500 fm. húsnæði fyrir skrifstofur, verslun og vöruhús. Húsnæðið er með fullkomnasta tækjabúnaði sem völ er á í dag og þannig tryggir nýja aðstaðan aukið hagræði og meiri skilvirkni í vöruafgreiðslu og annarri almennri starfssemi fyrirtækisins.
Sala & dreifing
John Lindsay dreifir vörum um allt höfuðborgarsvæðið með eigin bílaflota. Vörur sem pantaðar eru að morgni eru að jafnaði komnar til viðskiptavina næsta dag.
Fyrirtækið hefur um árabil verið meðal þeirra sem skara fram úr í nákvæmni og áreiðanleika í vöruafgreiðslu og hefur hlotið hæstu einkunnir (fæst refsistig) hjá Aðföngum fyrir vandaða og skilvirka þjónustu.
Lindsay er með öflugt söluteymi sem sinnir viðskiptavinum á höfuðborgarsvæðinu og heimsækir jafnframt viðskiptavini á landsbyggðinni með reglulegu millibili, til að tryggja persónulega þjónustu og gott aðgengi að vörum og ráðgjöf.
Auk þess er boðið upp á að versla í vefverslun þar sem viðskiptavinir geta pantað vörur á einfaldan og skilvirkan hátt hvenær sem hentar.
Lindsay leggur ríka áherslu á faglega og trausta þjónustu, hvort sem um ræðir ráðgjöf um vörur og notkun þeirra eða hraða og örugga afgreiðslu pantana til viðskiptavina.
Agnar Ludvigsson ehf.
John Lindsay á og rekur einnig matvælaframleiðandann Agnar Ludvigsson ehf., sem framleiðir Royal vörurnar, þar á meðal Royal búðinga og Royal lyftiduft.
Einnig framleiðir Agnar Ludvigsson Bezt á kryddin, bæði fyrir neytendamarkað og stóreldhús.
