Þristakökur uppskrift

Uppskriftin gefur um 20 bollakökur

Bollakökur uppskrift

• 1 x Betty Crocker Devils Food Cake Mix
• 130 ml matarolía
• 250 ml vatn
• 4 egg
• 3 msk. bökunarkakó
• 1 x Royal súkkulaðibúðingur (duftið)
• 250 g niðurskornir Þristar

1. Hitið ofninn í 160°C.
2. Hrærið saman egg, olíu og vatn.
3. Bætið kökudufti saman við og hrærið í um 2 mínútur, skafið niður á milli.
4. Setjið næst búðingsduftið saman við og hrærið stutta stund saman við deigið.
5. Að lokum fer niðurskorinn Þristur út í deigið og þá er því skipt niður í um 20 bollakökuform.
6. Bakið í 20-25 mínútur og leyfið að kólna áður en kreminu er smurt á.

Þristakrem uppskrift

• 150 g niðurskornir Þristar (+ meira til skrauts)
• 70 g smjör við stofuhita
• 250 g flórsykur
• 3 msk. maple sýróp

1. Skerið Þristana smátt niður og bræðið í örbylgjuofni. Gott er að setja þá í 20-30 sekúndur í senn við meðalháan hita og hræra í þeim á milli. Að lokum verður blandan eins og þykk/stíf karamella. Leyfið hitanum að rjúka vel úr áður en þið hrærið síðan saman við smjörið.
2. Þeytið þá smjör og Þristablöndu saman, bætið flórsykri og sýrópi saman við í skömmtum og skafið niður á milli.
3. Smyrjið vænu lagi af kremi á hverja bollaköku og stráið niðurskornum Þristi yfir allt saman.

Uppskrift frá Gotterí og gersemar: Þristakökur – Gotterí og gersemar (gotteri.is)