Mokka tiramisú

Ef þú ert að leita að einföldum og góðum eftirrétt fyrir páskana þá er þetta mokka tiramisú eitthvað fyrir þig. Fljótlegt, einfalt og gott.

Innihald í 6-8 skammta

• 1 pakki Royal Mokka búðingsduft
• 250 ml mjólk
• 250 ml rjómi
• lady fingers kex 1,5 pakkar
• kakó
• kaffi

Þú byrjar á að þeyta saman mjólk, rjóma og Royal mokka búðingsduft, setur svo blönduna í sprautupoka en það er einnig hægt að setja blönduna í skálarnar með skeið. Settu kaffi í skál og skerðu ladyfinger kexið í tvennt. Dýfðu kexinu í kaffið og raðaðu í hringlaga glös eða skálar. Það er einnig hægt að setja kexið í botninn á stóru fati og blönduna svo yfir.

Royal blöndunni er svo sprautað í miðjuna á glasinu eins og rós eða sett í miðjuna með skeið.

Skreytt með kakói. Gott að geyma í kæli í um 1 klst áður en rétturinn er borinn fram.

Þessi uppskrift dugir í 6-8 glös/skálar, en það fer einnig eftir stærðinni á skálunum.

Smelltu hér til þess að sjá TikTok myndband af því hvernig Helga Magga bjó réttinn til.
Uppskrift eftir Helgu Möggu