Auðveldasta heimabakaða brauðið

Undirbúningur: 10 mínútur
Hefun: 1 klukkustund
Bökunartími: 40 mínútur
Heildartími: 1 klst. og 50 mínútur
Ofnhiti: 250°C

Hráefni

• 1 tsk þurrger
• 500 ml volgt vatn
• 600 g hveiti
• 1 msk salt
• Sesamgaldur frá Pottagöldrum

Búnaður

• Steypujárnspottur með loki

Aðferð

1. Hrærið þurrgerinu saman við volgt vatn og látið standa í 5 mínútur.
2. Setjið hveiti og salt í stóra skál og blandið saman.
3. Hellið gerblöndunni út í og hrærið með sleif þar til allt hefur blandast vel.
4. Breiðið hreint viskastykki yfir skálina og látið deigið hefast í 1 klukkustund.
5. Þegar 30 mínútur eru eftir af hefuninni, hitið ofninn í 250°C og setjið steypujárnspottinn inn með lokinu á.
6. Þegar deigið hefur hefast, takið heitan pottinn varlega úr ofninum og færið deigið yfir í hann.
7. Stráið ríkulega af Sesamgaldri frá Pottagöldrum yfir brauðið.
8. Setjið lokið á pottinn og bakið í 35 mínútur.
9. Fjarlægið lokið og bakið áfram í 5 mínútur til að fá fallega og stökka skorpu.
10. Takið brauðið úr pottinum og látið kólna á bökunargrind áður en það er skorið.

Berið fram með uppáhaldsálegginu ykkar.

Uppskrift eftir Tinnu Th