Innihald

Ýsa eða þorskur, magn fer eftir þinni fjölskyldu ég var með um 800 g

2-3 dl vatn

3 dl matreiðslurjómi eða mjólk

1 poki Bali kyllinggryte frá Toro

rifinn ostur til að toppa með

salt og pipar

Auka (má sleppa)

ananas bitar smátt skornir

epli smátt skorið

Þú byrjar á því að blanda saman vatni, matreiðslurjóma eða mjólk á pönnu eða pott ásamt grýtu pokanum frá Toro, ég skar einnig niður ananas og epli og setti út í sósuna en það má sleppa því eða setja annað grænmeti.

Fiskurinn er skorinn í hægilega stóra bita, raðað í eldfast mót. Fiskurinn er kryddaður með salti og pipar. Sósunni er svo hellt yfir fiskinn og rifinn ostur settur á toppinn. Rétturinn hitaður við 180 gráður í um 20 mínútur.

Með réttinum var ég með hrísgrjón og ferskt salat.